Tempo libre, by Cibrán

Tempo libre

by Cibrán

supported by

	/

Streaming + Download

Includes high-quality download in MP3, FLAC and more. Paying supporters also get unlimited streaming via the free Bandcamp app.

Purchasable with gift card

name your price

1.	Ás veces preocúpome 02:36	lyrics	buy track
Ás veces preocúpome / por se fixen algo mal / ás veces fixéronme mal a min / pero agora xa dá igual. / O mal faise sen querer / o ben faise con paixón / o mal faise con preguiza / e cansáronnos. / Ás veces preocúpome / porque son un quedabén / e non sei se é dabondo / pra non facer dano a ninguén.
2.	Amigas de lonxe 01:40	lyrics	buy track
Creo que non / estamos lonxe / e teño medo / de que o cheguemos a estar / e nos boten flores / que nos afoguen / pola gana de medrar. / Un peso / bonito / é un peso igual / que o de quen fai o caldo nas grandes capitais, e eu quero / Estar alegres / estar atentas / unhas ás outras / ás cousas lentas. / Saímos adiante / saímos fóra / poñemos plástico / ás nosas cousas / en aniversarios / para lembrarnos / das cousas que xa non son. / Queremos / ser vellos / ser vellos xuntos. / E darlle a terra / a quen a traballa / e a amizade / a quen a traballe.
3.	No teu reflexo 02:41	lyrics	buy track
Sigo escoitando a mesma canción / sigo sentindo a mesma sensación / atrapada no meu reflexo. / Tal vez algún día sintamos dor / e necesitemos nova xente arredor / atrapada no seu reflexo. / Unha luz sobre nós / somos sombras xa / somos outras xa / non soubemos ser iguais / a nós mesmas na primeira vez / pero non nos cambiaría polas deste mes / atrapadas no teu reflexo. / Volve a sombra do meu afecto / atrapada no teu reflexo.
4.	Unha flor normal 02:52	lyrics	buy track
A droga da xente feliz / a droga da xente triste / a droga da xente que quere máis. / Eu son unha flor normal / non teño medo de murchar. / Eu son bonita en conxunto / coas miñas flores iguais / sei que se me prendo lume / arden tamén as demais / e son unha flor normal / non teño medo de murchar. / Nunca quixen vivir nun vaso de auga.
5.	Os últimos meses 04:07	lyrics	buy track
Ola / son un profesor / que non sabe demasiado / levo unha lección / de vantaxe ao alumnado / e está ben saber case o mesmo ca eles. / Todos entregaron a mesma idea / e había algo bonito niso: na ansia de non ser distintos. / Quero ser exactamente igual aos demais. / Quero ver as noticias no mesmo telexornal. / Quero vivir no mesmo mundo. / Quero vivir no mesmo mundo e non nunha liña de tempo. / Quero parecerme ao mundo e non á miña liña de tempo. / Palmas ás oito da tarde: o ritmo do país. / Non é o que a min me gusta, mais é o ritmo do país / Podo tocalo eu e tamén podes tocalo ti, e a túa avoa aos bongos. / Estamos facendo o mesmo / estamos facendo o mesmo / ninguén nos está imaxinando. / Sempre teño a ansia de dicir algo, e non sempre teño algo que dicir: que ansia. / Abro a boca a ver se alguén se contaxia. / A vida despois do colapso. / Rompemos a tapa do váter / a merda seguíu onde estaba / entrounos o mar pola fiestra / e estivo ben. / O mar levounos onde non eramos quen. / Vin a Feijóo morrer / xa non hai presidente ao que odiar / gastamos o tempo en querer. / Ser amigas non ten que ver co mercado laboral. / Sentirse ben non pode ter que ver co mercado laboral. / Canto esta canción ao acabar de traballar. / Está ben. / A vida nos últimos meses / as cousas perdendo o seu nome. / Está ben.
6.	Por gañar a vida 03:46	lyrics	buy track
Por gañar a vida estouna perdendo / por gañar a vida estouna perdendo / quero a máis xente da que teño tempo a coidar / e gasto o meu tempo no choio ou indo choiar. / Eu realmente non teño ningunha ambición. / Eu non teño case ningunha ambición: / só que non leven toda a miña enerxía / e ao final do día cantar algunha canción. / Esta canción mercouna unha corporación / todo o que eu son mercouno unha corporación / non hai vida máis triste que a do comprador / non hai vida máis triste que a do vendedor. / É mellor non vendernos, mellor non comprarnos.

credits

released April 17, 2020

Gravado nas Fraguas pero nun piso, entre finais de marzo e comezos de abril co que había a man.

A portada é de Meri.

En “Ás veces preocúpome” hai saxos de Sara Iglesias (collidos da gravación de “Dinamita” de Zara nun ensaio) e unha nota do solo de Archie Shepp en “Giant Steps”, que está en The Long March (Max Roach & Archie Shepp, 1979). Tamén se escoita a Teo e Toni Colombo na mesma gravación de Zara.

En “Amigas de lonxe” hai ideas collidas dos fanzines Florilège de María Villamarín e Android 9.0 a los corintios de Camila Viéitez e da idea de Choche de falar de “la España rellenada”. Os sons de batería tirados de “She’s lost control” de Joy Division, de “Snare Samples Pack #1”, de Innkeeper Studio Backing Tracks e de golpes cun bolígrafo contra un flexo.

“No teu reflexo” é unha versión de “Cast a Shadow” de Beat Happening (que estaba no disco ‘Black Candy’, 1989). A versión en galego é de Zara. Os coros son de Meri.

En “Unha flor normal” os sons de caixa están tirados de “Snare Samples Pack #1”, de Innkeeper Studio Backing Tracks. O resto da batería son golpes contra un cartón, unha taza e un flexo.

En “Os últimos meses” hai ideas das palabras que xuntou Adán para as cancións de Bloque. Tamén saxos de Archie Shepp en “Giant Steps”, que está en ‘The Long March’ (Max Roach & Archie Shepp, 1979) e de Fela Kuti en “Gentleman”, que está en ‘Gentleman’ (Fela Ransome-Kuti & the Africa 70, 1973).

En “Por gañar a vida” a primeira frase da letra é de “Por ganarme la vida” de Los Hermanos Cubero. As voces do final son de Xiana, Nuria, Berio e Elba.